خيارات العلاج والتقنيات
سؤال شائع · هو الميكروسكوب بيعمل إيه بالضبط؟ الميكروسكوب بيكبّر منطقة العمل وينوّرها، فالجراح يشوف العصب والأنسجة اللي حواليه بوضوح وهو بيشيل الضغط عنه.
إعداد مركز ميكروسباين · مراجعة طبية: د. محمد نوار

الميكروسكوب الجراحي جهاز معقد، فيه إضاءة قوية جدًا وعدسات تكبير عالية ووحدة لمعالجة الصورة وشاشات للعرض. ده بيدّي الجراح رؤية دقيقة جدًا للأعصاب والغضاريف والأنسجة اللي حواليها، فيقدر يشيل الضغط عن العصب ويشيل الغضروف بدقة.
لأ. الميكروسكوب جهاز للرؤية بس، اللي بيشيل الضغط هو الجراح بأدواته الدقيقة وهو شايف كل حاجة بوضوح. الميكروسكوب بيخليه يشوف العصب ويحميه وهو شغال.
الميكروسكوب في جراحات الغضروف والعمود الفقري هو امتداد وتطور للمنظار، وبيدّي الجراح رؤية أوضح ومجال شغل أوسع، وده بيساعده في الجراحات اللي محتاجة توسيع القناة أو شيل غضروف بالقرب من العصب.
لأ. ميكروسكوبات جراحات المخ والأعصاب والعمود الفقري تكلفة شرائها وصيانتها بالملايين، فمستشفيات كتير مش بتوفرها في غرفة العمليات، وبتستخدم ميكروسكوب العيون أو الأنف والأذن في جراحات العمود الفقري. وفيه فرق كبير بين النوعين في الإمكانيات والدقة.
كمان الجراح بيقضي سنين طويلة في التدريب عشان يتقن استخدام الميكروسكوب في جراحات العمود الفقري المختلفة.
اسأل عن نوع الميكروسكوب في المستشفى، وهل الجراح متدرب على استخدامه في جراحات العمود الفقري، وهل فيه أجهزة مساعدة زي الأشعة داخل غرفة العمليات وجهاز المتابعة العصبية. وبعد العملية بالميكروسكوب، يبدأ المشي عادةً بعد ساعة من الجراحة بإشراف الفريق الطبي. وترجع لشغل مكتبي وتسوق بعد أسبوعين، وللشغل الشاق والرياضة بعد شهرين.
اقرأ أكتر عن جراحات العمود الفقري بالميكروسكوب.
أعمل في الجراحة على ميكروسكوبات من زيس ولايكا ومولر.

تواصل معنا