جميع المقالات

خيارات العلاج والتقنيات

تثبيت الفقرات القطنية | متى نحتاج إلى دعامات التثبيت؟

سؤال شائع · هل يكفي أشيل الغضروف، ولا أحتاج دعامات تثبيت؟ مش كل حالة غضروف محتاجة تثبيت. القرار بيعتمد على ثبات الفقرات.

إعداد مركز ميكروسباين · مراجعة طبية: د. محمد نوار

ما معنى عدم ثبات الفقرات؟

الفقرات متراصة فوق بعض، وبتربطها أربطة ومفاصل وغضروف، وبتتحرك بقدر محدود يسمح بحركة الجسم الطبيعية. لو أي عنصر من دول اتأثر، بتظهر حركة زايدة بين الفقرات أو تزحلق فقرة على التانية أو ضغط في المسافة اللي بينهم. ده بيزود الضغط على الغضروف، وممكن يخرج جزء منه ويضغط على الأعصاب.

الانزلاق الفقاري يعني أن إحدى فقرات العمود الفقري تحرّكت بالنسبة إلى الفقرة المجاورة. أما الانزلاق الغضروفي فيحدث عندما يبرز جزء من الغضروف بين الفقرات. قد يظهر الانزلاق الفقاري في الصور من دون أعراض. يناقش الطبيب التثبيت عندما تدعم الأعراض والفحص والصور الحاجة إلى استقرار إضافي، مثل وجود عدم ثبات مؤثر. ويمكن أن يُناقش تخفيف الضغط إذا كان هناك ضغط على الأعصاب. يناقش الجراح الخيارين معك بحسب ما يسبّب الأعراض.

لتأكيد ده بنستخدم أشعة ديناميكية (مع الانحناء والفرد) للتأكد من ثبات الفقرات، وأشعة مقطعية للكشف عن أي شرخ في العظم، ورنين مغناطيسي لتقييم الضغط على الأعصاب.

إمتى بنوصي بالتثبيت؟

مش كل حالات الغضروف محتاجة تثبيت. لو الفقرات ثابتة وطبيعية، بيكفي استئصال الغضروف بالميكروسكوب. بنوصي بالتثبيت في الحالات دي:

  • بعض حالات الغضروف لما يكون معاها علامات عدم ثبات.
  • بعض حالات تزحلق الفقرات.
  • الكسور غير الثابتة بالفقرات.
  • الالتهاب الدرني أو الصديدي وخراج الفقرات.
  • بعض أورام الفقرات.
دعم الفقرات1دعامات تُثبَّت في الفقرات2قضبان تربط الدعامات3التحام عظمي مع الوقت

لو الحالة محتاجة تثبيت وماتثبتتش؟

ممكن المريض يحس بتحسن في الأول لأن الضغط اتشال عن الأعصاب، لكن الفقرات لسه غير ثابتة، فيبقى معرض لرجوع الغضروف في خلال سنين قليلة. وفي تقدير د. نوار، النسبة في الحالة دي ممكن تعدي ٣٠٪.

إيه هي دعامات التثبيت والقفص؟

دعامات التثبيت قطع صغيرة من التيتانيوم بتتثبت جوه جسم الفقرة، وبتتوصل بقضبان تربط بين الفقرات. بعد كده بيحصل الالتحام العظمي: بنحط عظام صناعية بين الفقرات، إما جوه قفص من مادة PEEK بين جسمي الفقرتين، أو على جانبي الفقرات، وبتلتحم الفقرات خلال حوالي ٣ شهور. الالتحام ده خطوة مهمة لنجاح التثبيت.

فيه كمان تثبيت ديناميكي بقضبان مرنة بتسمح بحركة بسيطة بين الفقرات، وبيناسب حالات محددة بس. وفيه التثبيت عن طريق الجلد، بفتحات صغيرة لا تتجاوز ١ سم، وممكن يتم الخروج من المستشفى فيه في نفس اليوم في الحالات المناسبة.

إزاي هشاشة العظام بتأثر في القرار؟

قبل التثبيت لازم نتأكد إن مفيش هشاشة أو ضعف في عظام الفقرات، خصوصًا عند كبار السن. لأن الدعامات ممكن ما تثبتش كويس في عظم ضعيف وتتحرك من مكانها. لو الحالة تسمح بالانتظار، الهشاشة بتتعالج الأول مع المختصين.

أما لو الجراحة عاجلة، زي ألم غير محتمل أو ضغط شديد على الأعصاب أو سقوط القدم أو كسر غير ثابت، فيه دعامات خاصة ممكن يتحقن من خلالها إسمنت عظمي لتقوية جسم الفقرة.

هل التثبيت بيقيّد حركتي؟

التثبيت بيوقف الحركة بين الفقرات اللي اتثبتت بس. وحركة العمود الفقري موزعة على ٢٤ فقرة، وتثبيت فقرة أو اتنين (وهو الحال في معظم الحالات) بتعوضه الفقرات المجاورة. فمعظم المرضى مبيحسوش بفرق كبير في الحركة، ويقدروا يمارسوا حياتهم الطبيعية، بما فيها الركوع والسجود والرياضة.

بعد التثبيت بالميكروسكوب، بتبدأ الحركة بعد حوالي ساعتين، وترجع لشغل مكتبي بعد أسبوعين، وللشغل الشاق والرياضة بعد شهرين.

ليه التكلفة بتختلف من حالة لحالة؟

لأنها بتعتمد على طريقة التثبيت وعدد المستويات، وعلى الخطوات اللي الحالة محتاجاها معاه، زي استئصال الغضروف أو توسيع القناة العصبية. اعرف أكتر عن تثبيت الفقرات القطنية بالميكروسكوب.

شرح بالفيديو

إمتى نحتاج تثبيت الفقرات؟

تعليمات بعد التثبيت

التعليمات الأولى بعد عملية تثبيت الفقرات